نقدم اليوم لعشاق الطهي طريقة عمل الكنافة بالفواكه والكريم شانتيه أو القشطة بطريقة جديدة وسهلة ومختلفة وشيك وتنفع للعزومات - تابعى الطريقة :
اقرئى طرق أخرى لعمل الكنافة :كنافة عثملية بالكريمة بالصوركنافة بكريمة التمر بالصوركنافة بالمهلبية بالصور
كنافة المدلوقة السورية بالصوركنافه بالكاسترد سهله وشيك فى التقديم بالصور
طريقة عمل كنافة الفواكه بالكريمة :
كنافه طريه ..حلوه ومنحنه ...معليهاش اي حاجة
هنجيب صينيتين قد بعض ونفرد فيهم الكنافه ونضغط عليها كويس
كده لوز العنب
الاتنين مع بعض ونكبس كويس اوي
نسقي سمنه سخنه..نسقي بالراحه علشان ماتخليش الكنافه تتلم في ناحيه واحده
نغطيها سمنه...هتيجي واحده حلوه تقوللي السمنه مش كتير ..اقولها وحياه ولادك السمنه ماهي كتير.. هنصفيها بعد ماتطلع
تدخل علي نار متوسطه لحد مايبقي لونها دهبي..ونصفي السمنه عشان الاخت اللي كانت بتقول السمنه كتير
شكلهك كده ...... شوفي الحلاوه
مش هسقي بقي انا يدوب هقطر عسل تقيل .. لو في عسل نحل يبقي قشطه
كل اللي فات كوم واللي جاي كوم تاني...نستخدم كريم شانتيه مضروب او كريمه سايله مضروبه او قشطه جاهزه
نملا الداير كريمه
الطبقه التانيه فوقها
نضغط ضغطه بسيطه .. انا عارف ان في ناس ممكن تدوس عليها لا والنبي ضغطه بسيطه يا عثل
اوسكار احسن صوره في الالبوم .
نعمل روزيتات كريمه زي اللي في الصوره
نرص الفاكهة - استخدمنا هنا خوخ وتفاح أحمر وأخضر وكيوى وبرقوق - نلمع الفاكهه بجيلي سخن
وتقدم - كل سنه وانتو طيبين
صاحب الوصفة: أحمد المنجى
.jpg)
ليست هناك تعليقات: